~°~ L4M4R CH-Rap Poesie ~°~

Vorbi - skit - 13. März 2007

---------------------------------------------------------

Sitz do und zerbricht mer dä Chopf über di, grad vorer Stund bisch na mis Meitli gsi,

jetzt blibt mer nix meh ussert d'Erinnerig, und dä Gedanke das es no schlimmer wird.

Chan gar nöd fasse was mer grad gseit häsch, dass du afach nüm die glich wärsch,

die veränderet hegsch nur i mi halt nöd, und dass hät di halt die ganz Ziit gstört.

Trotzdem verstohni nöd s'warum und wieso, warum du grad jetzt i dem Moment musch goh,

verzellsch was vo liebi aber isch ja verbi, alles was blibt sind d'Erinnerige dra gsi!

Scheisse fühl mi grad es bitz wie Dreck, welli i mim Läbä ohni di afach nix check,

vo eim Moment uf dä ander alles verlore, irgendwie bisch du scho huere verfrore.

Chunsch ine und seisch mers afach mal so, weisch wa, pack dini Sache und goh!

Chönt echt chotze uf Beziäigi und Liebi, i läb no und trotzdem stirb i!

Mini Wort werdet die eh nie meh erreiche, nöd emol mit ganz klare Zeiche,

vergesse verlore all das häsch mich, nur ich denk jede tag no a dich!

Drum säg mer wasi tue muss zum witermache, damit au i wieder mol chan lache,

damit i weiss mis Läbä hät en Sinn, damit au i wieder mol liebi find!

Bisch gange häsch Türe hinter dir gschlosse, schad hani kei Waffe het mi susch grad erschosse,

villicht dich grad no mit het au chöne sii, denn werdet Bulle cho und s'wär endgültig vorbi!

Verstoh jetzt warum so manche Amok lauft, chan passiere wenn mer öpperem vertraut,

enttüscht wirsch eh nur ohni Endi vom Läbä, do muss keine cho und mir s'Gägäteil sägä!

Han scho lang nix meh vo dir ghort sit Tage, ständig Gedanke a dich wo mich plage,

frog mi immer was d'machsch und wo'd grad bisch, wer wohl grad a dinere Siite isch.

Gfindi au bald use nochere gwüsse Ziit, bim HB bisch gstande miteme komische Typ,

häsch en umarmt und innig küsst, als hets mi nie gha, als hettisch's nöd gwüsst.

Chönt usraste wenni die Szene so gseh, warum chasch du em aber mir kei Liebi meh geh?

Chönt echt chotze uf Beziäigi und Liebi, i läb no und trotzdem stirb i!

Mini Wort werdet die eh nie meh erreiche, nöd emol mit ganz klare Zeiche,

vergesse verlore all das häsch mich, nur ich denk jede tag no a dich!

Drum säg mer wasi tue muss zum witermache, damit au i wieder mol chan lache,

damit i weiss mis Läbä hät en Sinn, damit au i wieder mol liebi find!

Die Szene zerrisst mi macht mi fertig, findsch so en Matcho wohl au no herzig,

hetsch alles chöne ha vo mir egal was, aber nei vergnüägsch di ja lieber mit dem arsch!

Sorry aber du häsch mini Liebi nöd verdient, häsch dich mine Gfühl afach so bedient,

dämit isch etz schluss denn i bruch di nüm, fick doch din scheiss matcho fründ!!!

Mit dir chani abschlüsse wie ä Türe, versteck mini Gfühl und nimm sie nie meh füre,

damit's vorbi isch dä ganzi Stress, damit i di so schnell wie mögli vergess!

Und noch Wuche chani wieder ufatme ganz frei, fühl mi au nüm so ällei,

han mis Läbä wieder ganz im Griff, und erst jetzt chunt dä Moment woni begriff,

dass du nüm bisch aber das es guet so isch, dass du trotz allem ä schöni Erinnerig blibsch.

---------------------------------------------------------

© by L4M4R

Abschied - skit - 14. März 2007

---------------------------------------------------------

Dunkel, isch fast jede Tag, sind immer die gliche Sache wo ich mi frag,

warum hät sich alles gänderät, warum häsch du dis Läbä beändät?

Lohsch us zruck, im Stille älleige, git nie meh en Moment woni dir chan zeige,

was du für en wunderbare Mensch gsi bisch, womer i sim Läbä nur eimol trifft.

Jetzt stömer do, alli sind versammlet, rund um Gräber wo anderi drin vergammlet,

i chan's nöd fasse was do grad passiert, das du diejnig bisch wo es zweits mol stirbt.

Leg ä Rose uf din Sarg unter bittere Träne, warum hät Gott kei anderi chöne wähle?

Langsam wirsch durab gloh zur letschte Rueh, bisch jetzt im Paradis und musch nix meh tue,

häsch kei Schmerze meh wo di innerlich zerrisset, kei Type wo dis guetmüätige Herz schlisset.

S'fangt a Rägnä zu dim Abschied vo därä Welt, wiitermache isch für üs alles was no zellt,

werd di aber nie vergesse min bezaubernde Engel, gnüss es jetzt dött obe im Himmel.

Verstohs nöd warum en Mensch das macht, warum Liebi so en rise Schmerz entfacht,

es Läbä so kostbar und doch scho verlore, innerlich zerstört und s'Herz erfrore.

Chalt wirds um di umme und alles isch scheisse, wotsch afach nur na alles hischmeisse,

du häsch es gmacht, häsch dis Läbä beendet, damit sich dis Schicksaal endli wendet.

Hoffe das etz alles guet isch für di, dass du endli emlole glücklich chasch sii.

Mir do unne vermisset dich sehr, musch wüsse dasi di immer i mim Herze verehr,

vergiss mi nöd i denk immer a di, irgendwenn emol werdi ich au bi dir sii.

Keine chan fasse das dä Tag hüt isch, au wenn mer gwüsst händs das es di nöd ewig git,

so isch es doch komisch dich nie meh z'gseh, dass es nie meh schöni Moment mit dir wird geh.

Dini Eltere händs wohl am schlimmste vo allne, ehri Tochter isch afach so gange,

aber au mir dini Fründe vermisset dich sehr, händ all en Hass uf das elendi Gwehr,

wo dis Läbä mitere Chugle beendet, wo din Körper zerrisste hät und gschändet.

Nie meh werdi vergesse warum, die meiste fröget sich warum bringt mer sich um?

I weiss es wohl als einzige do, warum du häsch wölle vo därä Welt goh.

Liebeschummer chan schmerzlich sii, aber eigentli goht au dä irgendwenn vorbi,

doch du häsch nüm anderst chöne, und i mag der dini Rueh jetzt ja au gönne,

aber es isch es afach nöd wert dafür z'sterbe, s'Läbä zerbreche i hunderti Scherbe.

Hett der doch gholfe wär dir bigstande, jetzt bini älleige do im Läbä gfange.

Verstohs nöd warum en Mensch das macht, warum Liebi so en rise Schmerz entfacht,

es Läbä so kostbar und doch scho verlore, innerlich zerstört und s'Herz erfrore.

Chalt wirds um di umme und alles isch scheisse, wotsch afach nur na alles hischmeisse,

du häsch es gmacht, häsch dis Läbä beendet, damit sich dis Schicksaal endli wendet.

Hoffe das etz alles guet isch für di, dass du endli emlole glücklich chasch sii.

Mir do unne vermisset dich sehr, musch wüsse dasi di immer i mim Herze verehr,

vergiss mi nöd i denk immer a di, irgendwenn emol werdi ich au bi dir sii.

Schlimmste isch du häsch nie gwüsst, het dich amigs so gern afach küsst,

han di gliebt ganz heimlich und still, au wenn en andere Typ dich will.

Du häsch en gnoh und mich nie verstande, chan das aber jetzt nüm aprange,

entschide häsch di leider für dä falsch, er hät di nur gnoh well du em gfallsch,

aber meh isch nöd gsi vo sinere Siite, wohl en Grund für's dauernde gestriite.

I wär für di do gsi i jedere Siutation, het einsam kämpft gägä ä ganzi Legion.

Häsch aber en wölle warum au immer, dür das wird das ganze no schlimmer,

hetsch doch nur gwüsst was ich für dich empfind, was es Läbä voll Liebi dir bringt,

aber das sind nur Gedanke wo nix meh änderät, du häsch üses ganze Läbä veränderät!

Bisch gange und damit isch alles vorbi, han der no wölle sägä, ich liebe di!

---------------------------------------------------------

© by L4M4R

​