ich verliere sie.....

danke bebe86 :-)

meine situation ist völlig verzwickt! viellicht hat jemand ein paar tips für mich!

ich bin drauf und dran meine freundin zu verlieren! wir führen eine fernbeziehung (ca. 100km)

für mich war dies nie ein poblem doch für sie schon. sie wohnt in erner stadt, in der sie niemanden kennt! ich hingegen wohne immer noch an meinem geburtsort!

sie wollte schon früh mit mir zus. ziehen, was aber druch unsere arbeitsplätze weder an ihrem heimatort noch an meinem gienge. wir müssten also die mitte vorziehen! hier kommt das problem: .....nicht weil ich mit ihr nicht zus. wohnen möchte, sonder aus angst mein anschluss und auch kollegen in meiner stadt zu verlieren!

sie hat es sich so gewünscht aber ich habs einfach nicht fertig gebracht weg zu ziehen......jetzt hat sie schluss gemacht...glaub ich zumindest! sie meint ich könne NUR in meiner stadt glücklich werden......mittlerweile wäre ich aber bereit weg zu ziehen nur ist es jetz wahrscheinlich zu spät.....sie könne sich nicht mehr freuen mit mir zus. zu ziehen.....ich habe es ihr zum verleiden gemacht.....aber ich weiss, dass sie mich noch liebt! wie kann ich jetz noch überzeugend sein, mit ihr eine gemeinsame zukunft einzugehen?? bin um jeden tip froh!

ich liebe sie, aber isch habe viel kaputt gemacht mit meinem verlhalten.....

Sag ihr, dass du in gemerkt hast, dass sie dir sehr wichtig ist! dass du sie so vermist in der jetztigen zeit (stimmt doch, oder) dass du dir sogar einen umzug vorstelle könntest, den du willst sie auf keinem fall verlieren!

versuch ihr zu zeigen, wie sehr du sie noch liebst, und dass dein "ego" von wegen nicht aus "deiner stadt" wegzu ziehn eine föllig falsch war, dass du einsiehst, dass beide auf etwas verzichten müssen, dafür bekommen sie was anderes...

weisst du was ich meine??

wenn du mit deinem "veralten" nur meinst, dass du eben angst hattest, deine leute zu verlieren, hast du nichts kaputt gemacht. ich kann das schon gut nachvollziehen.

vielleicht sagte dir auch eine innere stimme, dass es nicht die wirklich richtige ist, auch wenn du sie liebst. erst jetzt, wo du sie verlieren könntest - oder schon hast, bist du eben zu dem schritt bereit. davor würde ich mich hüten.

wie du sie noch überzeugen kannst, kann ich dir leider nicht sagen. denn es würde immer einen bitteren beigeschmack behalten

danke für eure feedbacks!

leider bin ich ein mensch, der sich nur sehr schwer von bestehenden gegebenheiten lösen kann! dies ist nicht nur beim thema "neuer wohnort" so...

ich habe ihr gesagt dass ich gemerkt habe dass ich auch mal ein risiko eingehen muess! etwas aufgeben, dafür etwas neues bekommen!

ich habe mich auch sehr um sie bemüht!

das problem ist nur, dass sie sich wie sie sagt, jetzt nicht mehr richtig freuen kann, selbst wenn wir nun zus. ziehen würden! da ich wie gesagt immer sehr bockig war!

wann weiss man ob es die richtige ist? man muss es versuchen und dann merkt man es oder nicht?

dazu muss ich noch sagen dass ich zur zeit in einer weitbildung stecke und dadurch sehr gestresst und genervt bin! dies ist auch ein grund warum ich sie mit ihrem wunsch nicht an mich heranliess......

hey du!

hm, da tönt scho ned würkli guet. wie lang sind ihr den zämä (gsi)?

ich bin es bitz anderer meinig als dä xSchakalx. will i denke, wenn da würkli fründe sind, den würsch sie au ned verlüre, wend äwäg ziehsch. es git ja soooviel möglichkeite, zum mit ihne in kontakt bliebe...oder? zudem ane wird dini fründin de idruck becho ha, weniger wichtig als dini kollege zsi und da isch eifach keis schöns gfühl.

aber he, passiert isch passiert, im nachhinein isch mer scho schläuer und ich chan ja au guet rede. aber wieso bisch der den ned sicher, ob sie jetzt schluss gmacht hät oder ned?

hey, i drucke dir eifach de dume, dass alles guet chunt!

liebi grüäss usem aargau

mir si nid ganz 1.5 johr zäme (gsi)

i weiss nid ob jetz würkli schluss isch....sie het mau gseit es gängi nüme, denn het sie gseit sie bruchi ziit ....usw....wie das haut so isch....

jetz im momänt isch grad funkstille.....

es isch verzwickt! sie isch mer wichtiger aus mini kollege, sie chunt zersch!

aber alles andere isch halt villicht nume e bitz weniger wichtig aus sie!

meh brucht doch beides irgnendwie....kollege und fründin ....nid?

I find au, dass me es lebe nöd nur mit Fründin, oder nur mit Kollege cha ha!

i find au wichtig, dass me inere beziehig au immer wieder mol was mit kolege macht, und die nöd ganz vergisst, den wenn mes den wieder mol brucht, sind die wohre kolege ganz bestimmt für öbert do!

es isch eifach schwer, für beidi ziit z`ha! aber es funktioniert, me mues eifach uf beidi chli rücksicht neh!

dini kolege verstönd das sicher, wennt nöd immer ziit für sie hesch, went au mol ziit mit dinere fründin verbringe wilsch! den das isch ganz normal!

und wenn dini kolege dir das glück mit dinere fründin nöd gönnet, den sinds sowiso kei richtigi kolleg!!

hallihallo

klaro!! d'fründe sind mega wichtig!!! es mue eifach irgendwie haue...es isch meistens relativ schwer alles under ein huet zbringe..aber ebä, i denke, das älläi chas ja nedsi. ihr sin dja relativ lang zämä (gsi) und es wär meeega schad, wenns würdi kaputt ga, wägem zämä zieh oder de distanz.

wett sie den überhaupt na kämpfe? i meine, da müänd o bedi welle. suscht bisch du chancelos. i hoffe also ned, dass sie di ufgä hät. es isch ja scho hammermässig, dass du di i some forum meldisch..i fänd da glaub u schön, weni würdi merke, min fründ macht sich soo viel gedanke um mich (eus).

aber glaub mir, du bisch siiiiiicher ned älläi tschuld, wenns setti usenand ga!!! und die funkstilli...macht die die ned wahnsinnig? hm, i chan mit so "spieli" ebä gar nüt afange, da drülli düre. hoffe, es gaht dir gli wieder bessr oder guet!!!

liebi grüäss

mou, die funkstille macht mi wahnsinnig!

aber was sölli mach? es isch so scheisse: wenni mi bi ihre mäude, de weissi nid ob sie lieber ihri rueh wet u wenni mi nid mäude hani angscht dass sie dänkt sie sig mer egal! und mega go umebättle chunt sicher ou nid grad rosig a....

leider merkt sie ja nid was ig hie i däm forum mache.....u i weiss ou nid ob sie das würde guet finde!

sie het ebe glaub scho chli resigniert wüu ig immer so stuur gsi bi! aber i weiss ganz sicher dass sie mi no liebt (zmingscht echli) und dass es ihre im momänt nid viu besser goht aus mir!

i bi so e depp! sie isch so e liebe mönsch! i ha immer viu zweni chöne gäh!

derbii häts so weni brucht.....wenn me ihre e finger git, de berchunt me 100 händ zrugg!

i wünschti mir sie chönt mir glaube, dassi würklech wet probiere e gmeinsami zuekunt ufzbaue......hani überhaubt e chance???

ICH FIND, DU SÖTSCH UM SIE KÄMPF!!

ZEIG ERE, DASS SIE DER NÖD EGAL ISCH, DASS DU SIE NÖD EIFACH SO UFGEH WILSCH! DASS DU UM SIE KÄMPFSCH, UND DAS CHASCH NUR, WENT DI BI ERE MELDISCH!

PROBIERS DOCH EIFACH! Z`VERLÜRE HESCH SOWISO NÜND MEH! ODER??

CHASCH NUR GWÜNNE UND ZWOR DAS, DASS SIE DER VERZEIHT, UND ER E GMEINSAMI ZUEKUNFT CHÖND UFBAUE! DAS ISCH ES DOCH WERT!!

ja, i wirde kämpfe! verlüüre chani nüt!

und sie isches wärt! säubscht denn wenns nüt bringt!

mir hei mau über ne ort diskutiert wo ev. wär i frog cho zum zäme wohne!

i hät dört e schöni wohnig gfunde u wet e besichtigungstermin mache u sie när froge ob sie luscht het zum mitcho die wohnig go aluege!

isch das e dummi idee?

schwer zum sege..

weiss nöd, ob sie sich den vilicht nöd plötzlich überrumplet fühlt oder sogar "übergange"..

i chan nur vo mer rede.. wenn i a erer stell bi, würd i mi vilicht am afang chli überrumplet fühle, welt jetzt uf zmol sooo bresant hesch, zum was finde, aber schlussendlich würd ich mich freue!!

aber ebe, das bin i, und nöd sie!

i wünsch der uf all fäll viiil glück!

sie het mer mou vorgworfe i machi nüt konkrets zum e wohnig finde!

mit e chli im internet umesuech sigs nid gmacht!

das stimmt natürlech!

drum dänki i muess jetz e schritt witer go und öppis mache wo chli händ und füess het!

danke im fall allne für öiri ratschläg und öiri hilf!

i verstahne nur zu guet, was i dim buch vorgaht und au das dis herz denk schier dra zerbricht...s'ungwüsse isch immer z'schlimste!

oh je, es isch echt schwierig. will i (mer) känned natürli all dini fründin ned aber hey, kämfe lohnt sich uf jedefall. so wie du schriebsch, hangisch du mit dim ganze herze dranne...lueg, chasch dich ja mal bi ihre melde und ihre dini unsicherheit schildere. du chasch ihre ja z.b. en brief schriebe. ned bättle sondern dini gfühl darlege, au das du ned weisch, wie di selsch verhalte. eifach dini gfühl usela...da würkt mängisch wunder.

viellcht isch sie ja gnau so unsicher wie du und schwätze isch mängisch würkli ned liecht. es git soo schnell eifach missverständnis, wo den eifach wie öl is füür grüährt wirket.

probiers doch mal....

i wünsche dir trotzdem seich wo di so abezieht, en schöne abig

liebi grüäss

ps: isch viellicht ned abracht da aber du häsch en echt coole dialekt!

hey, danke viu mou für die liebi ungerstützig! es isch wieder e nacht verbii gange,

e nacht voller gedanke! es duet guet mit öich z schwätze....i häts nid dänkt dass es cha häufe mit lüt z rede wo me eigentlech gar nid kennt!

bi leider immer no hin und här grisse.....was äch chönti guet si zum mache und mit was dassis nume no schlimmer mache....hmmm

danke übrigens "schattengewächs" für dini dialäkt-komplimänt :-)

moooreg!

hm, dämfall häsch na nüt ghört vo ihre?

bring ihre doch en sunneblueme, mitme brief verbi...und gahn den eifach wieder. den chunts ihre au ned wie es gstürm vor..weisch wieni meine. den denkt sie höchstens; hey da isch mega lieb, dass er äxtra de weg uf sich nimmt, für das.

viel glück und grüäss

ne, ha nüt ghört vo ihre!

aber das scho ok.....es isch ja a mir öppis z mache.....

brief und blueme isch scho ok, aber es isch so standard...nid?

i wet öppis usgfallnigs mache....öppis wo sie dänkt: wau....

muess mer no chli gedanke mache...

Hey leute!

wie kann ich meiner (ex-?) freundin zeige wie sehr ich sie noch liebe und dass ich sie nicht verliern will!

hat jemand gute typs ausser blumen schicken und briefe schrieben??

sorry, han ned welle dass da banal übere chunt aber i denke hald en brief isch nie "standard"...blueme viellicht scho eher. wenn du ihre dini gfühl chasch klarmache...aber ebä.

viellicht händ die andere ja besseri tips...i hoffes für dich, will ebä, i bin i so sache rächt ungschickt. aber i han ja au na nie anere frau sowas müässe bewiese...

grüess

hey kes problem!

sicher isch e brief immer guet!

du bisch doch e frau: a was hätsch süsch no fröid?? :-)

was würd di verblüfe..?