Wann schreibt man schon Gedichte?

Ja, wann schreibt man schon Gedichte, wenn nicht in einer verzwickten, liebeskummerigen Situation. Ich hoffe mindestens, dass dieser Zustand bei mir in Zukunft nicht häufig vorkommt und meine beiden Texte dadurch zu etwas rarem und wertvollem werden. Eigentlich sind es Liedtexte. Vertonungen sind also willkommen:-)

Augeblick u Ehwikeit

I hocke am Strang u Sunne brönnt heiss uf mi Hut

I schribe i Sang är gloubt mer aus o mi Wuet

S Schrifbiud isch gross u doch verschwimmt aus

aus wet er säge dass das woni schrib

geng echli angers isch aus i mein

Wind u Wasser mache aus angers u geng neu

Was hüt isch isch vilich scho bau nüm glich

U nüt isch für immer nur mängisch

isch e Spur im Sang speter de doch

gemeisslet wi i Stei

Mängisch stresst's mi dass aus woni gärn ha mi verlot

u blibts mer so wirdenis sälber irgendwenn lo si

Isches de aus für nüt u weles erreichte Ziel macht Sinn?

Aber wie wett me läbe wenn nid mit Zueversicht?

Wind u Wasser mache aus angers u geng neu

Was hüt isch isch vilich scho bau nüm glich

U nüt isch für immer nur mängisch

isch e Spur im Sang speter de doch

gemeisslet wi i Stei

Quelle: Selfmade

Gedankefouge

Gedankefouge, sie fouge mer nid

Si gö geng witer u ghöre mer nid

U keine weiss, warum dass sie geng blibe sto

Bidem Lache u bi dem schöne Gsicht

Bi de Hor, wo de Wing dürestricht

Doch hinger Sunnebrüue gseni nid

I lueg si a und fröie mi dra

Das i o no Fröid are angere ha

U weni gnou weiss, dass Ziit fürenang nid isch do

Wenn söu me u wenn söue me nid

Wiu si öppis oder wie si nüt

Mit Glück het me e Sächser oder nüt

I lueg sie a u dänke denn

Si söu mer blibe im Gedankegang

Drum lani si si es langt i blibe drbi

Bidem Lache u bi dem schöne Gsicht

Bi de Hor, wo de Wing dürestricht

Denn hinger Sunnebrüue gseni nid

Quelle: Selfmade

(Übersetzung in Schriftsprache auf Anfrage.)

esch schön weder mol öbis buuredütsches z läse =)

send schön gschrebä, wen ech dini gedankefolge au ned ganz chan nachevollzie, ech las etz eifach mol stah wie echs gläse han

glg zebra